ໃນຕົ້ນເດືອນ 05/2014 ໂຄງການບໍ່ຄຳວັງຕັດໄດ້ລົງທຶນບຸກເບີກເນື້ອທີ່ດິນ 50 ເຮັກຕາ ເພື່ອເຮັດເປັນສວນສາທິດທົດລອງປູກຕົ້ນໄມ້ພືດຜັກກະສິກຳຢູ່ເຂດບ້ານວັງຕັດໃຫ່ຍ ເມືອງຊານໄຊ ແຂວງອັດຕະປື.
ໃນເບື້ອງຕົ້ນບໍລິສັດໄດ້ລົງມືປູກໝາກກາເຟ ຈຳນວນ 20 ເຮັກຕາ ຕົກເປັນມູນຄ່າ 500 ລ້ານກີບ, ໂດຍເປີດໂອກາດໃຫ້ປະຊາຊົນຊາວບ້ານໃກ້ຄຽງ ເຂົ້າມາສຶກສາຮໍ່າຮຽນວິທີປູກຝັງ, ບົວລະບັດຮັກສາໝາກກາເຟ, ປະຈຸບັນນີ້ຕົ້ນໝາກກາເຟ ໃນເນື້ອທີ່ດັ່ງກ່າວກຳລັງເຕີບໂຕຢ່າງເປັນລຳດັບ ແລະ ຄາດກະວ່າຈະໃຫ້ຜົນຜະລິດໃນຕົ້ນປີໜ້າ.